गृहपृष्ठमा फर्कनुहोस्
श्रेणी अनुसार गजलहरू
2 वटा गजल भेटिए
वियोग

यदि म मरे भने...

म मरे भने अलिकति बाँकी भाकाे सास निकालिएला बिचरा! भन्दै शरिर छोप्न कपास निकालिएला ।। मेरो आफन्त जतिले रुँदै श्रद्धाञ्जली दिँदै गर्दा लैजानलाई घाटसम्म हरिया बाँस निकालिएला ।। तिम्रै घर छेउको आँगनबाट तिमीले हेर्दा हेर्दै छोपेर शरीर कफनले मेरो लाश निकालिएला ।। मेरो शव जलाउन तम तयार पारि राखिएका दाउरै-दाउराले सजिएको रास निकालिएला ।। घाटमा अन्तिम संस्कार गर्दागर्दै मेरो बाबाले मेराे सहारा भन्दै हुर्काएको आश निकालिएला।। मैले नखाएसम्म नखाने मेरी बहिनिले बुनेर राखेका सपनाहरूको साहस निकालिएला ।। आफुले नखाई मलाई खुवाउने मेरी आमाको मुखमै राखि सकिएको गाँस निकालिएला ।।
Sahayattri
Sahayattri
गजलकार
वियोग

कोही चाहिँदैन भन्छ ❤️

चल्ने हो यसरी दिन कति कोही चाहिँदैन भन्छ कुन्नि किन बिग्रेछ मति कोही चाहिँदैन भन्छ ।। बा-आमाले उसकै लागि सारा जिन्दगी बिताइदिए ऊभने, लिएर आज श्रीमती कोही चाहिँदैन भन्छ ।। बा ले उसकै पढाईकै लागि घर खेत बन्दकी राखे ऊभने, बा अनि सम्पत्ति कोही चाहिँदैन भन्छ ।। मैले उसको भलाइ कै लागि भनेको मात्र हु फेरि ऊभने, राम्रै कुरामा थाप्छ खति कोही चाहिँदैन भन्छ।। आज ऊ अलिकति अगाडि गएको अरू भन्दा सोच्दा हो, यसरी नै चल्छ गति कोही चाहिँदैन भन्छ ।।
Sahayattri
Sahayattri
गजलकार